Семей қаласының Шәкәрім атындағы мемлекеттік университетіндегі біріктірілген сабақ
Қазіргі кезде педагогикалық ортада біріктірілген сабақтар кең қолданыста. Осы орайда №25 жалпы білім беретін орта мектептің 8 А сыныбының жетекшісі Бужиева Г.К. және физика пәні мұғалімі Есенжолова Л.Т-ның ұйымдастыруымен «Менің мамандығым» атты сынып үйірмесі және «Аспан әлеміне шолу» атты физика пәнінен факультативтік сабақтарын біріктіріп Семей қаласының Шәкәрім атындағы мемлекеттік университеті, жаратылыстану — математика факультеті, физика кафедрасына экскурсияға бардық. Экскурсияны аталған оқу орынының аға оқытушы Мешетова Ж.С. және педагогика ғылымдарының магистрі, физика кафедрасының оқытушысы Джалелова Ф.С. өткізді. Оқушылар алдымен қысқаша лекция тыңдап, физикалық құралдар музейінің экспонаттарымен танысты, шынайы телескопты көздерімен көріп, бірнеше лабораториялық бөлмелерді, соның ішінде 3 Д лабораториясын қызықтады. Оқушылар экскурсияның соңында физика кафедрасының аға оқытушысы Мешетова Жанагүл Ескендіровнаға алғыстарын айтты.
