Оқушылардың функционалдық сауаттылықтарының дамуындағы оқыту барысында жаңа әдіс-тәсілдерді қолдану
18 сәуір күні біздің мектебімізде «Оқушылардың функционалдық сауаттылықтарының дамуындағы оқыту барысында жаңа әдіс-тәсілдерді қолдану» атты семинар өткізілді.
Семинар жаратылыстану бағыты бойынша өткізілді.
Семей қаласының білім бөлімінен келген методист Айтжамал Семикановна Сулейменова және де мектебіміздің директоры Жанар Манатовна Раймбекова семинарымыздың ашылуында сөз алды. Сондай ақ, мектебіміздің оқушылары қонақтарымызға функционалдық сауаттылық жөнінде шағын көріністерін сыйға тартты.
Семинар барысында мұғалімдер өз ашық сабақтарын көрсетті. Ашық сабақтар жоғары деңгейде өткізілді деп айтуға болады.
Іс-шара соңында видео – панорама қатысушыларға семинарды толықтай талдауға үлкен мүмкіндік берді.
Деңгейлік білім алған мұғалімдер әріптестері үшін әдістемелік ұсыныстарды ұсынды.
Функционалдық сауаттылықты бағалау технологиясы алты деңгейден тұрады. Сондықтан да біздің бүгінгі семинарымыздың белгісі – Блум текшесі. Осы текше бойынша қатысушылар семинар тақырыбын ашты.
Қорытындылай келе, қатысушылар әдістемелік ұсыныстар жинағын шығару мақсатында деңгейлік курс бойынша білім алған мұғалімдердің шығармашылық тобын құру жөнінде шешім қабылдады.
